Señor Gato

Señor Gato: atención;

no rincón hai un burato;

no burato está o rato

caladiño, acochadiño,

sin falar nin respirar.

Señor Gato, pon sentido, 

que metido no burato 

está o rato.

Señor Gato: está o rato

 no burato do rincón:

¡ten nun puño o corazón!

-Eu non dudo, Señor Gato 

bigotudo que está o rato

no burato.

Tés as unllas afiadas, 

cravuñadas, preparadas:

bule axiña que sinón, 

Señor Gato bigotón, 
¡do burato fuxe o rato!

         (Manuel María - Os soños na gaiola)